Uvachod u zaapark dla dziaciej da 14 hadoŭ 1 červienia budzie biaspłatnym. Pra heta sa spasyłkaj na dyrekcyju ŭstanovy paviedamlaje ahienctva «Minsk-Naviny».
— Kab prajści biaspłatna, treba budzie pradjavić dakumient, jaki paćviardžaje ŭzrost, — adznačyli ŭ zaaparku. — Naviedvalnikaŭ čakaje śviatočnaja prahrama na sceničnaj placoŭcy (pačatak u 13:00), padčas jakoj haściej čakajuć siurpryzy ad viadomaha vytvorcy marožanaha.
Takaja akcyja budzie pravodzicca ŭpieršyniu. Raniej mienski zaapark ładziŭ akcyju ŭ dni dadatkovych zimovych kanikuł, tady bieź bileta mahli pahladzieć na źviaroŭ vučni pieršych i druhich kłasaŭ.
Nahadajem, što ŭvachodny kvitok u zaapark z 1 červienia padaražeje z 6 da 9 rubloŭ. Cana na bilet u «Dynapark» nie źmienicca (6 rubloŭ). Adziny bilet dla naviedvańnia zaaparku i «Dynaparku» budzie kaštavać 13 rubloŭ zamiest 10 rubloŭ.
