U kancy maja ŭ Minsku skłałasia drennaja situacyja dla alerhikaŭ. Pyleńnie biarozy skončyłasia, ale pačałosia ćvicieńnie duba (3 kłas alerhiennaści).
Ilustracyjnaje fota Siarhieja Hudzilina
Źjaviŭsia pyłok kiparysavych. Jaho adzinki, ale ŭ sumie jon taksama spryjaje ŭzmacnieńniu alerhiennaj reakcyi. Pylać taksama jełka i chvoja. Pyłok ich nie źjaŭlajecca alerhienam, ale ŭzmacniaje zabrudžvańnie pavietra ŭ horadzie. Masavaha ćvicieńnia travy nie nazirajecca. Adnak u atmaśfiery źjaviŭsia raślinny puch — dźmuchaŭcy.
Vysokija kancentracyi alerhiennaha pyłka plus raślinny puch, jaki abdziraje i razdražniaje ślizistuju, spryjajuć raźvićciu niespryjalnaj situacyi dla alerhikaŭ. U horadzie svoječasova vykošvajuć hazony, ale ŭ pryharadnaj zonie dźmuchaŭca vielmi šmat.
Kali nie budzie daždžu, situacyja budzie paharšacca, na padychodzie ćvicieńnie travy i tapaliny puch.
U Minsku ŭ kancy maja zvyčajna dla alerhikaŭ spryjalnaja abstanoŭka. Upieršyniu za 11 hadoŭ nazirańnia ŭźnikła takaja situacyja. Heta lišni raz dakazvaje, što nielha dakładna pradkazać pryrodnyja źmieny.
Terminova patrabujecca dadatkovy paliŭ haradskich vulic abo zaleva, jakaja pakul nie prahnazujecca. Lubaja vada dapamoža palehčyć situacyju.
Sinoptyki rajać, vychodziačy na vulicu, maksimalna zakryvać adkrytyja častki cieła, vykarystoŭvać akulary, nie adčyniać vokny ŭ mašynach. Čaściej myjciesia, pramyvajcie vočy i nos, pravodźcie vilhotnuju pryborku ŭ domie.
