Dniami ŭ Minsku adbyŭsia «Dyjałoh», arhanizavany prarasijskimi aktyvistami, jakija nazyvajuć siabie «respublikanskim rucham» «Hramadzianskaja zhoda».
Čytajcie taksama: Słaŭharadski juryst Ahafonaŭ i minski achoŭnik Kanstancinaŭ zasnavali prarasijskuju arhanizacyju
Na toj «Dyjałoh» paklikali amal što ŭvieś prarasijski śpiektr siłaŭ u Biełarusi, zaprašeńni atrymali taksama Aleh Hajdukievič ad Libieralna-demakratyčnaj partyi i kampanija «Havary praŭdu» — ad ich pryjšoŭ Uładzisłaŭ Marucič.
Ale ŭvahu źviartaje fakt, što za adnym stałom z Hajdukievičam siadzieŭ Siarhiej Łušč z «Rumoła».
Čytajcie taksama: Ad nieanacyzmu i zmahańnia z «juda-chryścijanskaj akupacyjaj» da studyi Davydźki: śpiecmateryjał pra kiraŭnika «Rumoła» Siarhieja Łušča
Hajdukievič, Niemirovič, Łušč, Dzierman na «Dyjałohu»
My spytalisia ŭ Hajdukieviča, jak jamu było siadzieć pobač z Łuščom.
«Kudy pasadzili, tudy i sieŭ. A ŭvohule, ja siadzieŭ pobač ź Niemirovičam — maim namieśnikam. Ja ž taki — kudy zaprosiać, tudy i pryjdu. Zaprosiać u BNF — pajdu vystupić u BNF, zaprosić Sieviaryniec — da jaho pajdu. Ale kali ja i siadzieŭ pobač z Łuščom, heta jašče nie značyć, što ja padtrymlivaju jaho idei», — zapeŭniŭ Hajdukievič.
Praŭda, paśla jon dadaŭ, što «zrabiŭ dla siabie vysnovy».
