Fota Siarhieja Pielasy

Fota Siarhieja Pielasy

U nastupnym navučalnym hodzie ŭ Varšavie moža źjavicca čatyry biełaruskija mižškolnyja i daškolnyja hrupy. Pavodle polskich zakonaŭ, dla taho, kab adčynić mižškolnuju hrupu, patrebna minimum troje dziaciej.

Achvotnych užo značna bolš, čym było ŭ lutym, kali baćki ŭpieršyniu ahučyli hetuju ideju, raspaviadaje prysiažnaja i sinchronnaja pierakładčyca z Varšavy Maryja Łucevič-Napałkava, mama dźviuch budučych navučenak mižškolnaj i školnaj hrupaŭ.

«My startavali ź minimalnymi planami, kab prosta adčynicca, ale atrymałasia, što žadajučych našmat bolš. Mahčyma, što budzie dźvie hrupy dla małodšych dziaciej, i dźvie dla školnikaŭ. Našaja akcyja vyklikała dosyć vialikuju zacikaŭlenaść. My spadziajemsia, što jana budzie pašyracca».

Zajavy ŭ daškolnuju hrupu možna padavać da kanca červienia. Inicyjatary kampanii prosiać usich zacikaŭlenych pisać na adras [email protected] i abiacajuć, što dapamohuć z dalejšymi farmalnaściami. Zajavy baćkoŭ razhladaje meryja Varšavy.

Maryja Łucevič-Napałkava

Maryja Łucevič-Napałkava

«I pradstaŭniki Ministerstva, i varšaŭskaja meryja, padtrymlivajuć našuju inicyjatyvu. Raniej adčynić mižškolnyja hrupy ŭ Varšavie atrymałasia tolki va ŭkraincaŭ, niemcaŭ i armianaŭ. My spadziajemsia, što z novaha navučalnaha hodu pačnucca zaniatki ź dzietkami» — havoryć Maryja Łucevič-Napałkava.

U dadzieny momant idzie pošuk nastaŭnikaŭ i vychavacielaŭ u biełaruskija hrupy. Baćki zaklikajuć zacikaŭlenych asobaŭ kantakavacca i dasyłać svaje prapanovy na zhadany vyšej mejł.

«Hrupy pavinny buduć pracavać pa pryncypie dadatkovych zaniatkaŭ paśla asnoŭnych urokaŭ u škołach i zaniatkaŭ u sadkach. Formu my jašče budziem abmiarkoŭvać razam. Mahčyma, heta buduć budnija dni, a mahčyma i vychodnyja. Dumaju, što pačniem ad zaniatkaŭ raz na tydzień. Pa zakonie, tam moža być i historyja, hieahrafija i kultura Biełarusi. My ź nieciarpieńniem čakajem finału. I budziem ad małoha iści surjoznymi krokami napierad».

Kab dałučycca da biełaruskich hrupaŭ u Varšavie, albo stvaryć ułasnuju ŭ lubym inšym horadzie Polščy, dastatkova vykanać dźvie farmalnaści. Treba kab dzicia było hramadzianinam Polščy, a baćki pavinny nakiravać piśmovuju zajavu ŭ škołu abo sadok, dzie vučacca ich dzieci. Pavodle polskich zakonaŭ, dla taho, kab adčynić mižškolnuju ci daškolnu hrupu, patrebna minimum troje dziaciej.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?