Incydent adbyŭsia ŭviečary 12 maja ŭ dvary doma №91 na vulicy Maładziožnaj u Navapołacku. Mužčyna, jaki byŭ 8 razoŭ asudžany za kradziažy, skarystaŭšysia tym, što školnicy hulali ŭ valejboł, a ich rečy lažali pobač ź placoŭkaj, schapiŭ dva mabilnyja telefony i kinuŭsia biehčy. Pra toje, što adbyłosia dalej, TUT.BY raspaviała aficyjny pradstaŭnik USK pa rehijonie Śviatłana Sacharava.

Na zdymku: zaraz užo šaścikłaśnicy Sofja Šaškina, Palina Pirahova i Dyjana Ramanava, śledčyja Navapołackaha HASK Viktar Masałaŭ i Alena Bykava, načalnik Navapołackaha HAUS Uładzimir Šendziel. Fota: Śledčy kamitet

Na zdymku: zaraz užo šaścikłaśnicy Sofja Šaškina, Palina Pirahova i Dyjana Ramanava, śledčyja Navapołackaha HASK Viktar Masałaŭ i Alena Bykava, načalnik Navapołackaha HAUS Uładzimir Šendziel. Fota: Śledčy kamitet

Piacikłaśnica zaŭvažyła, što mužčyna vykraŭ telefony jaje siabrovak. Dziaŭčynki ŭtraich kinulisia za rabaŭnikom. Jany kryčali, kab jon spyniŭsia i viarnuŭ ckradzienaje. Adna ź dziaŭčynak dahnała i schapiła mužčynu za ruku. Jon razhubiŭšysia kinuŭ telefony na ziamlu, ale dziaŭčynki praciahnuli jaho pieraśledvać.

Mužčyna pasprabavaŭ schavacca, zabiehšy ŭ padjezd. Pobač spyniłasia mašyna, i adna ź dziaŭčynak paviedamiła kiroŭcu, što ŭ padjeździe chavajecca rabaŭnik. Mužčyna vyklikaŭ milicyju. Kali padazravany vybieh z padjezda, školnicy znoŭ pahnalisia za im. Supracoŭnikam milicyi dziaŭčynki raspaviali ab rabavańni i, prajazdžajučy na słužbovym aŭtamabili kala prypynku hramadskaha transpartu, pakazali na padazravanaha.

Zaviedziena kryminalnaja sprava pa č. 2 art. 206 KK (Rabavańnie, učynienaje paŭtorna).

Na školnaj liniejcy dziaŭčynkam — Dyjanie Ramanavaj, Palinie Pirahovaj i Sofji Šaškinaj — uručyli padziaki ad imia načalnika Navapołackaha haradskoha adździeła Śledčaha kamiteta. Akramia taho, kožnaja ź ich atrymała hrašovuju premiju.

Kali pradstaŭniki Śledčaha kamiteta pacikavilisia ŭ školnic, ci nie strašna było im pieraśledvać rabaŭnika, to pačuli ŭ adkaz: «Dahaniali ž utraich, a jašče dapamoh kiroŭca, jaki spyniŭsia i spytaŭ, što zdaryłasia, dy vyklikaŭ milicyju».

Клас
Панылы сорам
Ха-ха
Ого
Сумна
Абуральна