Sioleta ŭ Licej BDU pastupała 1498 čałaviek. Bolš za ŭsio abituryjentaŭ zarehistravałasia ŭ chimika-bijałahičnyja kłasy, a samy vysoki konkurs byŭ na infarmatyka-matematyčny napramak — 9,2 čałavieka na miesca, paviedamlaje pres-słužba BDU.

Z 1498 abituryjentaŭ Liceja hetaha hoda — 33 — pieramožcy respublikanskich alimpijad. Bolš za ŭsio abituryjentaŭ zarehistravalisia ŭ chimika-bijałahičnyja kłasy — 333. Konkurs tut skłaŭ 8,6 čałavieka na miesca.

U matematyčnyja kłasy było padadziena 307 zajavaŭ (konkurs 7,6 čałaviek na miesca), u fizičnyja — 222 (5,9 čałaviek na miesca), fiłałahičny (biełaruskaja i anhlijskaja) - 123 (5,8 čałaviek na miesca) i (biełaruskaja i ruskaja) - 91 (5 čałaviek na miesca), historyka-hramadaznaŭčyja - 137 (3,2 čałavieka na miesca), chimičny - 107 (6 čałaviek na miesca). Samy vysoki konkurs 9,2 čałavieka na miesca byŭ na infarmatyka-matematyčny napramak (padadziena 178 zajavaŭ).

U hetym hodzie prachadnyja bały praktyčna pa ŭsich napramkach vyraśli. Na fiłałahičny (biełaruskaja i anhlijskaja) i chimičny profil nieabchodna było nabrać 125 bałaŭ, bijałahičny - 134, chimika-bijałahičny - 131, fiłałahičny (biełaruskaja i ruskaja) - 119, infarmatyki-matematyčny — 93, matematyčny - 103, historyka-hramadaznaŭčy — 113, fizičny - 94.

Usiaho ŭ hetym hodzie ŭ Licej BDU ŭ 10-y kłas budzie pryniata 264 navučencaŭ, ź jakich budzie sfarmiravana 12 kłasaŭ pa 22 čałavieki.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?