soligorsk-news.by
U aŭtorak supracoŭnikami HUBAZiK MUS Respubliki Biełaruś na aŭtamabilnaj darozie kala v. Kamień Kapylskaha rajona ŭ momant atrymańnia chabaru byŭ zatrymany staršynia Salihorskaha rajvykankama Alaksandr Rymašeŭski, paviedamlaje pres-słužba milicyi.
Zatrymali čynoŭnika z dokazami złačynstva, adznačajecca ŭ pres-relizie, u momant atrymańnia chabaru pamieram 2,7 tys. dalaraŭ ZŠA. Pavodle dadzienych apieratyŭnikaŭ, staršynia Salihorskaha rajvykankama na praciahu doŭhaha času złoŭžyvaŭ uładaj i słužbovymi paŭnamoctvami pry vyrašeńni pytańniaŭ pa zakupie srodkaŭ achovy raślin, nasieńnia i zapasnych častak dla sielhastechniki ahrapramysłovych pradpryjemstvaŭ i arhanizacyj Salihorskaha rajona.
Pa dadzienym fakcie Śledčym kamitetam zaviedziena kryminalnaja sprava pa č. 3 art. 430 KK Respubliki Biełaruś («Atrymańnie chabaru»).
Jaho sankcyja praduhledžvaje pazbaŭleńnie voli da 15 hadoŭ z kanfiskacyjaj majomaści.
Jak paviedamili ŭ HUBAZiK MUS, A. Rymašeŭski sistematyčna atrymlivaŭ chabar ad pradstaŭnikoŭ kamiercyjnych struktur za vyrašeńnie pytańniaŭ ab pieršačarhovym pahašeńni zapazyčanaściaŭ miascovych ahrapradpryjemstvaŭ pa raźlikach za pastaŭlenuju pradukcyju. Hetaja infarmacyja ŭ ciapierašni čas praviarajecca.
