Kinastudyja «Sajuzmultfilm» i hrupa kampanij Danone zaklučyli pahadnieńnie, u adpaviednaści ź jakim «Sajuzmultfilm» vyrabić novyja sieryi multfilma pra viosku Prastakvašyna i jaje hierojaŭ, paviedamlaje TASS sa spasyłkaj na pres-słužbu kinastudyi.
«U ramkach pahadnieńnia ŭ pieryjad z 2018 pa 2020 hady ŭ śviet vyjdzie 30 sieryj multfilma, — udakładnili ŭ «Sojuzmultfilmie». — Vyklučnyja pravy na novyja aŭdyjovizualnyja tvory i ich elemienty buduć naležać «Sojuzmultfilmu». Pry hetym kampanija Danone atrymaje prava vykarystoŭvać «novyja sieryi multfilma dla markietynhu i rekłamy małaka i małočnaj pradukcyi, a taksama niekatorych inšych sumiežnych katehoryj na terytoryi Rasijskaj Fiederacyi, krain SND, Hruzii, Jeŭrasajuza, Prybałtyki, Kitaja, Manholii na ŭvieś termin dziejańnia aŭtarskaha prava».
Multfilm budzie vykanany ŭ źmiešanaj technicy, kambinujučaj 2D i 3D, praciahłaść kožnaj sieryi — 6,5 chvilin. Hienieralnym pradziusaram prajektu stanie Alona Ajaćcieva, mastackim kiraŭnikom — Alena Čarnova, Marharyta Bruśnicyna — kreatyŭnym pradziusaram i šef-redaktaram.
Jak adznačyła staršynia praŭleńnia «Sajuzmultfilma» Juljana Słaščava, zadača novaha prajekta — pakazać, jak źmianiłasia Prastakvašyna razam z krainaj za 20 hadoŭ, a taksama ŭciahnuć dziaciej u novyja pryhody piersanažaŭ lubimaj usimi historyi, jakija kažuć ab viečnych kaštoŭnaściach, takich jak siamja, dom, kłopat pra blizkich.
