U adkaz na rašeńnie Trampa vyjści z hłabalnaha pahadnieńnia pa baraćbie sa źmienami klimatu prezident Francyi Emaniuel Makron vystupiŭ sa zvarotam, u jakim zaklikaŭ śviet źjadnacca ŭ baraćbie za ekałohiju płaniety. Jon zrabiŭ hety zvarot pa-anhielsku i, siarod inšaha, prapanavaŭ amierykanskim navukoŭcam pierajazdžać u Francyju i tam praciahvać svaje daśledavańni pa tematycy źmieny klimatu.
Skončyŭ jon svoj vystup słovami: «Make the planet great again». Heta parafraza Trampavaha słohana «Make America great again».
Rašeńnie pra vychad Amieryki z pahadnieńnia vyhadnaje pieradusim naftahazavamu łobi. Pahadnieńnie praduhledžvała skaračeńnie ŭsimi krainami vykidaŭ hazaŭ, jakija stvarajuć parnikovy efiekt. Jany ŭtvarajucca aŭtatranspartam i pry inšym spalvańni vuhlevadarodaŭ. Realizacyja pahadnieńnia pryviała b da źnižeńnia zapatrabavańnia ŭ nafcie, hazie i vuhali da 2025 hoda.
Prezident ZŠA Donald Tramp abviaściŭ, što Złučanyja Štaty vychodziać z Paryžskaha pahadnieńnia ab klimacie, zaklučanym u 2015 hodzie.
Pry hetym Tramp zajaviŭ, što Vašynhton pačnie novyja pieramovy ab zaklučeńni pahadnieńnia pa klimacie na ŭmovach, bolš spraviadlivych i vyhadnych dla Złučanych Štataŭ.
Tramp zajaviŭ, što Amieryka zmoža damahčysia lepšych umoŭ, i heta dapamoža amierykanskaj pramysłovaści.
Mierkiel, Makron i i kiraŭnik Italii ŭ supolnaj zajavie asudzili rašeńnie Trampa. Suśvietnyja lidary vyklučajuć mahčymaść źmienaŭ u pahadnieńni.
«Hetaje pahadnieńnie — nie stolki pra klimat, kolki pra toje, što inšyja krainy atrymlivajuć pieravahu za košt Złučanych Štataŭ», — zajaviŭ Donald Tramp, padkreśliŭšy, što Paryžskaje pahadnieńnie nakładvaje na ZŠA «drakonaŭskija abaviazacielstvy».
Prezident pryvioŭ u jakaści prykładu Kitaj i Indyju, jakija, pavodle jaho słoŭ, zmohuć pašyrać svaju vuhalnuju pramysłovaść, u toj čas jak ZŠA buduć pavinny jaje skaračać.
Donald Tramp abrynuŭsia z krytykaj na Zialony klimatyčny fond AAN (GCF), stvorany dla akazańnia dapamohi krainam, jakija raźvivajucca, u źmiakčeńni nastupstvaŭ źmieny klimatu i adaptacyi da ich.
Pa słovach Trampa, hety fond budzie kaštavać Złučanym Štatam miljardy dalaraŭ.
Paryžskaje pahadnieńnie praduhledžvaje zabaviazańni skaracić vykidy vuhlakisłaha hazu ŭ atmaśfieru. Dakumient taksama praduhledžvaje vydzialeńnie da 2020 hoda krainam, jakija raźvivajucca, 100 miljardaŭ dalaraŭ na rašeńnie prablem ekałohii.
Pahadnieńnie pa baraćbie sa źmienami klimatu było padpisana pradstaŭnikami bolš čym 170 krain, u tym liku ZŠA, Kitajem i Rasijaj.
Hienieralny sakratar AAN Antoniu Huteryš i lidary G7 zaklikali Donalda Trampa nie vychodzić z Paryžskaha pahadnieńnia pa klimacie. Jon ich nie pasłuchaŭ.
