Idejny natchnialnik niezvyčajnaha prajekta — mastak Bazinata. Jon sabraŭ 10 tvorcaŭ, kožny ź jakich vystaviŭ pa adnoj karcinie.
«Śmiećcievaja halereja — prajekt, jaki stvaraje ŭmovy dla ŭzajemadziejańnia 10 sučasnych biełaruskich mastakoŭ z haradskoj prastoraj i ludźmi, što žyvuć u joj. Kožny z hetych mastakoŭ stvaraje svaju asablivuju movu raspoviedu pra realnaść», — havorycca ŭ afišy.
Žurnalisty «Rehijanalnaj haziety» ŭ noč paśla adkryćcia prajekta nazirali za tym, jak adreahuje horad na vuličnaje mastactva. A pałovie na dziasiatuju zabrali pieršyja niekalki karcin. Bližej da apoŭnačy zastavalisia visieć usiaho piać karcin.
Bazinata dobra viadomy minčukam pa jaho pracach, stvoranych admysłova dla fiestyvalu «Vulica Brasil» na ścienach budynkaŭ Kastryčnickaj. Maładziečna — rodny horad mastaka.
