Staršynia Partyi BNF Lavon Barščeŭski źviarnuŭsia ź listom da Nadzvyčajnaha i Paŭnamocnaha Ambasadara Respubliki Baŭharyja ŭ Miensku Pietko Hančieva. Pryčynaj zvarotu da ambasadara stała niepryjemnaja sytuacyja, jakaja skłałasia paśla niepradumanaj publičnaj zajavy ŭłaśnika futbolnaha klubu «Leŭski» sp. Todora Batkova napiaredadni matču hetaj kamandy ź biełaruskim futbolnym klubam BATE.
«U interviju ahienctvu «Standart-News» sp. Batkov dazvoliŭ sabie abraźlivaje vykazvańnie ŭ adras biełaruskaha narodu», - piša ŭ liście Lavon Barščeŭski. - Apošniaje vykazvańnie stała šyroka viadomym biełaruskaj hramadzkaści i vyklikała jak minimum nieŭrazumieńnie. Abodva našyja eŭrapiejskija narody majuć bolš jak tysiačahadovuju niaprostuju historyju stanaŭleńnia i adnaŭleńnia dziaržaŭnaści, baraćby za svaju nacyjanalnuju identyčnaść, za kaštoŭnaści svabody j demakratyi, uzajemaŭzbahačalnych kantaktaŭ u halinie chryścijanskaj tradycyi, kultury. Biełarusy i baŭhary nia majuć uzajemnych upiaredžańniaŭ i sympatyzujuć adny adnym. Heta naš supolny histaryčny nabytak, jaki treba źbierahać – u tym liku i dziela našaj eŭrapiejskaj salidarnaści.
Kab nia stavić pad pahrozu tradycyjnyja ŭzajemnyja siabroŭskija pačućci našych narodaŭ,
prašu Vas, vielmišanoŭny spadar Ambasadar, vykarystać Vaš upłyŭ i Vaša viedańnie Biełarusi dla taho, kab aŭtar niedarečnaha vykazvańnia prynios publičnyja prabačeńni pierad pryjezdam FK «Leŭski” ŭ Biełaruś.Spartovaje śviata nie pavinna być azmročana nijakim cieniem».
