4 červienia paśla praciahłaj chvaroby na 85-m hodzie žyćcia ŭ Vilni adyšoŭ u viečnaść ks. Jan Šutkievič. Jon naradziŭsia ŭ siamji hrafa Tyškieviča pad Vilniaj.
Savieckija sałdaty zabili jaho baćku, a maci pad proźviščam Šutkievič z małym synam Janam schavałasia ŭ Hrodnie. Budučy śviatar vučyŭsia na dyryžorskim fakultecie Maskoŭskaj dziaržaŭnaj kansiervatoryi. Farmacyju da śviatarstva prachodziŭ u Kaŭnaskaj duchoŭnaj sieminaryi. Preźbiterskaje paśviačeńnie atrymaŭ u 1983 h.
U historyju Kaścioła ŭ Biełarusi ŭvajšoŭ jak vydatny restaŭratar. Z 1987 h. pa 1994 h. ksiondz Jan Šutkievič byŭ probaščam parafii Sv. Apostała Andreja ŭ Łyntupach. Padniaŭ z ruinaŭ i adnaviŭ kaścioł sv. Antonija Paduanskaha ŭ Pastavach.
U toj ža čas taksama apiekavaŭsia kaściołam sv. Jana Chryściciela ŭ Kamajach i kaściołam ŭ Łučai. Dziakujučy jaho namahańniam i ruplivaści hetyja śviatyni byli adnoŭleny. Hetym śviatarom byli taksama adbudavany kaplicy ŭ Miehunach, Mańkovičach, Hruzdovie.
U 1994-1997 hh. vykonvaŭ abaviazki probašča minskaj archikatedry Imia Najśviaciejšaj Panny Maryi i pryčyniŭsia da jaje restaŭracyi. Zatym vykonvaŭ abaviazki rektara i rezidenta kaścioła sv. Bartałamieja ŭ Vilni, dzio šmat zrabiŭ dla adnaŭleńnia śviatyni. Siońnia ŭ hetym kaściole prachodziać nabaženstvy dla biełaruskaj dyjaspary pa-biełarusku.
Pachavalnaja sv. Imša adbudziecca 7 červienia ŭ kaściole Adšukańnia Śviatoha Kryža (pabiernardynski) u Hrodnie. Pačatak Imšy ŭ 12.00
Čałaviek — skulptar: hutarka z a. Janam Šutkievičam, nadrukavanaja ŭ 2000 hodzie
