Biełarusi nie varta dramatyzavać situacyju z pastaŭkami praduktaŭ charčavańnia ŭ Rasiju, zajaviŭ žurnalistam ministr sielskaj haspadarki i charčavańnia Leanid Zajac na adkryćci vystavy «Biełahra».
«Iduć pieramovy, usio pradajecca, na składach vialikich zapasaŭ pradukcyi niama», — adznačyŭ Zajac.
Ministr padkreśliŭ, što Biełaruś praciahvaje aktyŭna asvojvać ekspart u trecija krainy. U pryvatnaści, za minuły hod u Kitaj biełaruskija vytvorcy pradali małočnaj pradukcyi na 3,1 młn dalaraŭ, a za čatyry miesiacy hetaha hoda — užo na 5,6 młn. Na kitajskim rynku atestavana 34 biełaruskija małočnyja pradpryjemstvy.
Zajac nahadaŭ, što zališnija mahutnaści Biełarusi adnosna małaka składajuć kala 60%, u dzień Biełaruś pradaje 11 tysiač ton małakapraduktaŭ, pryčym na tonie suchoha małaka kraina zarablaje 540 dalaraŭ, na tonie syru - 1390 dołaraŭ.
U paraŭnańni ź minułym hodam biełaruskija małakapierapracoŭščyk pavialičyli rentabielnaść vytvorčaści ŭ dva razy i zarabili 130,5 młn rubloŭ čystaha prybytku, choć za čatyry miesiacy minułaha hoda mieli stratu za 3,5 młn rub, paviedamiŭ ministr.
