U haradskim pasiołku Mačuliščy (Minski rajon) 11 červienia Centr ekałahičnaha vychavańnia i raźvićcia sumiesna z Centram turyzmu i krajaznaŭstva dziaciej i moładzi «Vietraź» praviadzie ekskursiju «Sakalinaj ściežkaj» pa zahadkavym maršrucie ŭ sakalinym lesie, paviedamili BIEŁTA arhanizatary.
Hety maršrut znachodzicca ŭ adzinaj u Biełarusi śpiecyjalizavanym zakaźniku «Sakaliny». «Sakalinaj ściežkaj» — heta niezvyčajny maršrut u žyvoj pryrodzie, dzie možna aznajomicca z raznastajnaściu ptušynych piesień, daviedacca pra novyja dla siabie vidy ptušak i navučycca razumieć movu ptušak, — raspaviali surazmoŭcy. — Najbolš zacikaŭlenyja ŭdzielniki ekskursii zmohuć navučycca vyznačać pa hałasach nie mienš za piać vidaŭ ptušak, a taksama ŭbačyć čyrvonaknižnych sakałoŭ i miescy ich hniezdavańnia».
Maršrut raspracavany pa aŭtarskaj mietodycy Centra ekałahičnaha vychavańnia i raźvićcia i abstalavany mabilnymi tabličkami, jakija pakazvajuć na miesca pražyvańnia i śpievaŭ ptušak. Udzielniki ekskursii zmohuć taksama skarystacca admysłovymi bukletami dla bolš zručnaha znajomstva sa śvietam ptušak i ptušynych hukaŭ.
Padčas ekskursii adbudziecca prezientacyja pieršaj kazki-lehiendy «Pra što raskazaŭ stary špak?» ź sieryi kazak knihi ab zakaźniku «Sakaliny» pad nazvaj «Tajny sakalinaha lesu», jakaja rychtujecca da vydańnia. Ekskursii z prezientacyjami novych kazak buduć praciahvacca da 30 červienia i prachodzić u luby čas pa miery kamplektavańnia hrup. Paśla 30 červienia, kali bolšaść ptušak pierastanie śpiavać, maršrut «Sakalinaj ściežkaj» budzie zakryty i znoŭ adkryjecca viasnoj 2018 hoda.
Centr ekałahičnaha vychavańnia i raźvićcia hatovy akazać kansultacyjnuju, navukova-mietadyčnuju i materyjalnuju padtrymku dziaržaŭnym ustanovam adukacyi, adździełam i ŭpraŭleńniam adukacyi pa padrychtoŭcy i adkryćciu padobnych maršrutaŭ i arhanizacyi ekskursij na ich terytoryi.
Maršrut «Sakalinaj ściežkaj» pryznany adnym ź lepšych u Biełarusi pa vynikach respublikanskaha konkursu «Zialonyja maršruty» i adznačany dypłomam Ministerstva adukacyi. Padrabiaznaja mietodyka padrychtoŭki maršrutu zaćvierdžana redkalehijaj i apublikavanaja ŭ navukova-mietadyčnym časopisie «Vychavańnie i dadatkovaja adukacyja».
