Śledčyja pravodziać pravierku pa fakcie traŭmavańnia rabotnicy vytvorčaha ŭčastka rajspažyŭtavarystva ŭ Łojevie. Pra heta paviedamiła aficyjny pradstaŭnik upraŭleńnia Śledčaha kamiteta pa Homielskaj vobłaści Maryja Kryvanohava.
51-hadovaja pracaŭnica atrymała traŭmy na pracy jašče 8 červienia.
«U metach vyśviatleńnia abstavin zdareńnia pryznačanaje praviadzieńnie sudova-miedycynskaj ekśpiertyzy, apytvajucca rabotniki pradpryjemstva», — raspaviała pradstaŭnik USK pa vobłaści.
Jak piša Tut.by sa spasyłkaj na BiełaPAN, žančyna pracuje na chlebazavodzie rajpo, joj adarvała častku ruki.
«Jana čyściła makaronnuju drobku ŭ barabanie, ulezła tudy rukoj, kali vałok i šneki viarcielisia, i voś takoje zdaryłasia», — paviedamili na chlebazavodzie.
Siońnia paciarpiełuju pieraviali z rajonnaj balnicy ŭ abłasnuju ŭ Homiel.
