Stała viadoma, što 13 červienia siłavikami byŭ zatrymany biznesoviec Viktar Puzikaŭ, ułaśnik taksi «Ałmaz 7788». Puzikavu 34 hady, jon adzin z najbolš paśpiachovych maładych biznesoŭcaŭ krainy.
U Śledčym kamitecie na dadzieny momant niama infarmacyi adnosna zatrymańnia.
Pieršym pra zatrymańnie Puzikava napisaŭ lidar pradprymalnickaj arhanizacyi «Pierśpiektyva» Anatol Šumčanka. Jon kaža, što, pa niepaćvierdžanaj infarmacyi, Puzikaŭ zatrymany pa padazreńni ŭ niaspłacie padatkaŭ.
Na forumach taksistaŭ pišuć, što Puzikava razam z žonkaj Alenaj i namieśnikam zatrymali 13 červienia. Ciapier jany znachodziacca ŭ SIZA na Vaładarskaha.
Što tyčycca słužby taksi, to jana pracuje bieź pierabojaŭ. U słužby 7788 bolš za try tysiačy abanientaŭ.
0
0
0
0
0
0
