Marak, jaki, jak ličyłasia, vypaŭ za bort z krejsiera VMS ZŠA ŭ Filipinskim mory, tydzień chavaŭsia ŭ mašynnym adździaleńni karabla, paviedamlaje CNN.
Staršyna Piter Mimsi, jaki słužyŭ na rakietnym krejsiery «Šajło», źnik 8 červienia. Mierkavałasia, što jon zvaliŭsia ŭ mora.
Pošuki Mimsi 50 hadzin viali amierykanskija karabli pry ŭdziele Bierahavoj achovy Japonii. Paśla taho, jak znajści maraka nie ŭdałosia, jon byŭ abvieščany zahinułym, adnak kamanda «Šajło» praciahnuła jaho pošuki na borcie karabla.
15 červienia Mimsi byŭ znojdzieny ŭ mašynnym adździaleńni krejsiera, dzie jon, pavodle papiarednich dadzienych, i znachodziŭsia ŭvieś toj čas, pakul jaho šukali.
Dla vyśviatleńnia abstavin zdareńnia pravodzicca rasśledavańnie, zajavili pradstaŭniki kamandavańnia VMS ZŠA, nie staŭšy paviedamlać nijakich inšych padrabiaznaściaŭ.
Mimsi pierapraŭleny na avijanosiec «Ronald Rejhan» dla praviadzieńnia miedycynskaha abśledavańnia.
