Z usich fihurantaŭ «spravy patryjotaŭ» źniataje abvinavačańnie ŭ «padrychtoŭcy masavych biesparadkaŭ». Pra heta havorycca ŭ zajavie Śledčaha kamiteta.
Takim čynam, Kamitet dziaržaŭnaj biaśpieki pryznaŭ, što składu złačynstva pa hetym artykule nie było.
Razam z tym zastajecca aktualnaj sprava ab stvareńni «niezakonnaha ŭzbrojenaha farmavańnia». Adnak jaje budzie rasśledavać nie KDB, a Śledčy kamitet.
Pa spravie ab masavych biesparadkach fihurantami prachodzili 35 čałaviek, ź ich 20 abvinavačvalisia jašče i pa artykule ab niezakonnym uzbrojenym farmiravańni (dadzienyja KDB na 11 krasavika).
Pa apošnich dadzienych ad pravaabaroncaŭ, u SIZA KDB i MUS zastajucca 14 čałaviek. Niekatorym ź ich śledstva praciahnuli na 2-4 miesiacy. Astatnich adpuskajuć na volu pad padpisku ab niavyjeździe i nierazhałošvańni, ź niekatorych i zusim zdymajuć abvinavačvańnie.
U aŭtorak staršynia KDB Valeryj Vakulčyk zajaviŭ, što śledstva raźbirajecca i «pakul zaŭčasna kazać, ci dojdzie da suda» sprava «Biełaha lehijona».
