Alaksandr Łukašenka siońnia ŭ razmovie z žurnalistami padčas naviedvańnia Paleskaha dziaržaŭnaha radyjacyjna-ekałahičnaha zapaviednika raspavioŭ pra svajo staŭleńnie da adpačynka.
Kiraŭnik dziaržavy adznačyŭ, što pytańnie adpačynku ŭ dačynieńni da prezidenta ŭpirajecca ŭ Kanstytucyju krainy. «U prezidenta Biełarusi adpačynku jak takoha, zvyčajnaha čałaviečaha, być nie moža. U mianie niama vice-prezidenta, i pavodle Kanstytucyi ja svaje paŭnamoctvy nikomu nie mahu pieradać», - skazaŭ jon.
Łukašenka padkreśliŭ, što, navat kali źjazdžaje, naprykład, u Sočy na niekalki dzion, jon padtrymlivaje z radzimaj pastajanny kantakt, prymajučy ŭdzieł u vyrašeńnie važnych pytańniaŭ.
Što tyčycca adpačynku, Alaksandr Łukašenka nie ličyć, što heta pavinna być abaviazkova źviazana, naprykład, z pajezdkaj na mora. «Pa-pieršaje, ja nie lublu ciopłaje nadvorje. Naohuł tryvać nie mahu. Adpačynak — heta źmiena abstanoŭki i rodu zaniatkaŭ. Kali ty siońnia hulaješ u chakiej, zaŭtra siačeš drovy, a paślazaŭtra kosiš travu, biehaješ na łyžarolerach i hetak dalej, heta i jość adpačynak dla mianie. Ja ciarpieć nie mahu lažać na plažy i zaharać. Dla mianie heta nieprymalna», - skazaŭ jon
