17 červienia z Maskvy ŭ kirunku Oršy vyjšła kałona z 15 BTR i BRDM, u biełaruski rajcentr rasiejskaja braniatechnika pavinna prybyć 19 červienia.
U skład kałony, jakaja ažyćciaŭlaje prabieh «Daroha Mužnaści» daŭžynioj bolš za 2300 kiłamietraŭ, uklučanyja bronieaŭtamabil BA-20, vyviedvalnyja mašyny BRDM-1 i BRDM-2, bronietransparcior BTR-40, pazadarožnik HAZ-69, hruzavik ZIŁ-157 i inšyja mašyny. Usia vajskovaja technika pavinna być demilitaryzavanaja.
Z Oršy kałona pajedzie ŭ bok Minska i 20 červienia naviedaje Kurhan Słavy. 21 červienia braniatechnika pavinna dasiahnuć Bresckaj krepaści. 22 červienia hetaja technika, jak paviedamlajuć infarmahienctvy, pavinna ŭziać udzieł u pamiatnych mierapryjemstvach pačatku Vialikaj Ajčynnaj vajny, a 23 červienia - u vystavie na linii Stalina.
