Michaił Rusy adznačyŭ, što ideja rodavych majontkaŭ ciapier nabiraje papularnaść u Biełarusi. Mnohija žadajuć viarnucca ŭ vioski, dzie, naprykład, raniej žyli ich baćki, ci prosta addajuć pieravahu być bližej da pryrody.
«Ruch nabyŭ šyroki rezanans. My rychtujem dakładnuju zapisku kiraŭniku dziaržavy, — skazaŭ namieśnik premjer-ministra. — Šmat ludziej, maładych i cikavych pa prafiesijach i naohuł, žadajuć žyć siemjami ŭ ekałahična čystych miescach».
U vioskach takija hramadzianie ciapier atrymlivajuć ziamielnyja ŭčastki ŭ adpaviednaści ź isnujučaj narmatyŭna-pravavoj bazaj: dla viadzieńnia asabistaj padsobnaj haspadarki abo budaŭnictva dačy (da 15 sotak). «A na toje, kab kab pabudavać tam niejkaje pradpryjemstva dla vyroščvańnia ekałahična čystych praduktaŭ, hetaha mała. Tamu my zaraz rychtujem dakład kiraŭniku dziaržavy, kab vyznačyć formu funkcyjanavańnia, pamiery hetych pasieliščaŭ, dać im pravavuju bazu», — adznačyŭ Michaił Rusy.
Pavodle jaho źviestak, u Biełarusi jość bolš za 570 čałaviek, jakija ličać siabie uładalnikami padobnych rodavych majontkaŭ. Asabliva šmat takich hramadzian u Vałožynskim i Viciebskim rajonach.
Całkam mahčyma, što dapamohu ŭ hetaj śfiery akaža i Biełahraprambank kredytami dla budaŭničych rabot, nabyćcia abstalavańnia abo budynkaŭ.
Dom u v. Čyševičy Vałožynskaha rajona. Fota kampanii 101dom.by
