kommersant.ru
Arhanizatar «Ruskich maršaŭ» Juryj Horski zmoh pakinuć Rasiju i vyjechać u Litvu, choć jon znachodzicca pad chatnim aryštam pa spravie ab ekstremiźmie. Pra heta sam Horski napisaŭ u fejsbuku.
Pa słovach Horskaha, jon pierasiok miažu ŭ noč na 9 lipienia «nasupierak usioj łohicy kryminalnaha presinhu». Jakim čynam jamu ŭdałosia heta zrabić, Horski nie patłumačyŭ.
«Vitaju ŭsich z błasłavionaj litoŭskaj ziamli, kałyski Rečy Paspalitaj», — napisaŭ jon u svaim fejsbuku.
Horskaha adpravili pad chatni aryšt 7 lipienia. Pryčym na sudzie śledstva adznačała, što takaja miera strymańnia patrebna, bo abvinavačvany moža źbiehčy.
Sprava ab ekstremiźmie suprać Horskaha raspačata ŭ suviazi z šeściem nacyjanalistaŭ 1 maja ŭ Maskvie ŭ padtrymku Dźmitryja Dziomuškina.
