U Adesie zatrymany aktyŭny ŭdzielnik masavych biesparadkaŭ 2 maja 2014 hoda, jaki chavaŭsia ad śledstva.
Jak paviedamili UNIAN u pres-słužbie prakuratury Adeskaj vobłaści, złamyśnik, jaki chavaŭsia ad śledstva pad inšym proźviščam pa-za miežami Ukrainy, byŭ znojdzieny i zatrymany na minułym tydni ŭ domie svajaka, jaki pražyvaje ŭ Adesie.
Pa chadajnictvie prakuratury Adeskaj vobłaści 8 lipienia Prymorski rajonny sud abraŭ 37-hadovamu mužčynu mieru strymańnia ŭ vyhladzie ŭtrymańnia pad vartaj. U chodzie rasśledavańnia vyjaŭlena, što zatrymany, chavajučy tvar maskaj-bałakłava i kaskaj, braŭ aktyŭny ŭdzieł u masavych biesparadkach na Hrečaskaj płoščy 2 maja 2014 hoda.
Mužčynu paviedamlena pra padazreńnie pa č. 2 art. 294 (masavyja biesparadki, jakija pryviali da hibieli ludziej) Kryminalnaha kodeksa Ukrainy. Jak paviedamiła UNIAN infarmavanaja krynica ŭ Hałoŭnym upraŭleńni Nacyjanalnaj palicyi ŭ Adeskaj vobłaści, zatrymany źjaŭlajecca hramadzianinam Biełarusi.
Nahadajem, 2 maja 2014 hoda ŭ Adesie ŭ vyniku masavych biesparadkaŭ z udziełam prarasijskich i praŭkrainskich aktyvistaŭ zahinuła 48 čałaviek, paciarpieli kala 300. Pačalisia sutyknieńni ŭ centry horada, dzie byli zastrelenyja niekalki čałaviek. Zatym praŭkrainskija aktyvisty pryjšli na Kulikova pole, na jakim znachodziŭsia namiotavy haradok sieparatystaŭ. Namioty zaharelisia, pačaŭsia pažar u Domie prafsajuzaŭ, u jakim taksama zahinuli ludzi.
