Dziatłaŭskim rajonnym adździełam Śledčaha kamiteta pravodzicca pravierka pa fakcie padzieńnia 6-hadovaha chłopčyka z akna kvatery, raźmieščanaj na trecim paviersie doma ŭ Dziatłavie, paviedamlaje pres-słužba SK.
1 lipienia kala 20:35 chłopčyk razam z mamaj znachodziŭsia ŭ haściach. Na prapanovu darosłych vyjści ź imi na vulicu adkazaŭ admovaj. Zastaŭšysia ŭ kvatery adzin, hulaŭ u kampjutarnuju hulniu.
Pa viartańni darosłyja znajšli chłopčyka kala doma, jon vypaŭ z akna kvatery. Miedycynskija rabotniki chutkaj dapamohi dastavili dzicia ŭ balnicu z padazreńniami na pierałomy kostak i paškodžańni ŭnutranych orhanaŭ. Paśla dalejšych abśledavańniaŭ, praviedzienych u Hrodnie, aściarohi daktaroŭ nie paćvierdzilisia. Dzicia praciahvaje znachodzicca pad dynamičnym nazirańniem.
Ahledzieŭšy miesca zdareńnia i kampjutar chłopčyka, śledčyja ŭstanavili, što zastaŭšysia doma adzin, jon hulaŭ u ahresiŭnuju virtualnuju hulniu, što vyklikaje pačućcio strachu i jakaja praduhledžvaje vykanańnie kamand hałoŭnaha hieroja.
Napałochaŭšysia, chłopčyk pasprabavaŭ vyjści z kvatery, ale nie zdoleŭ adkryć zamok, zabłakavaŭšy jaho. Paśla hetaha nakiravaŭsia da akna i vypaŭ praz adkrytuju fortku.
