U RIKV ahučyli papiarednija vyniki centralizavanaha testavańnia — 2017. Na zapavietnuju sotku testy hetym letam napisali 303 čałavieki. U 292 abituryjentaŭ 100 bałaŭ pa adnym pradmiecie, u 11 — pa dvuch. Maksimalnyja 300 bałaŭ nie nabraŭ nichto, paviedamlaje tut.by.
Kolkaść «sotak» raźmierkavałasia tak:
Pradmiet | Kolkaść adznak 100 bałaŭ |
Biełaruskaja mova | 35 |
Ruskaja mova | 66 |
Matematyka | 69 |
Fizika | 15 |
Chimija | 25 |
Hramadaznaŭstva | 16 |
Zamiežnyja movy | 49 |
Bijałohija | 18 |
Historyja Biełarusi | 19 |
Hieahrafija | 1 |
Suśvietnaja historyja (najnoŭšy čas) | 1 |
«Siarod abituryjentaŭ, jakija atrymali sto bałaŭ, — 100 vypusknikoŭ himnazij, 65 — licejaŭ, 85 — siarednich škoł, 1 — vypusknik SSNU, — pieraličvaje Mikałaj Fiaśkoŭ, dyrektar Respublikanskaha instytuta kantrolu viedaŭ. — A taksama 51 vypusknik minułych hadoŭ i adzin abituryjent, jaki sioleta skončyŭ ustanovu adukacyi nie ŭ Biełarusi».
Pry hetym 82 stobalniki — vypuskniki ź Minska, 87 — z rajcentraŭ i 9 ź sielskich škoł.
«Takija vyniki kažuć pra toje, što zdać testy na sto bałaŭ mohuć vypuskniki roznych typaŭ navučalnych ustanoŭ, — paviedamlajuć u RIKV. — Pryčym jak u horadzie, tak i ŭ sielskaj miascovaści».
Darečy, usiaho CT sioleta pisali 90 125 abituryjentaŭ.