Trahiedyja zdaryłasia ŭ kupalskuju noč u adnym z ahraharadkoŭ Stolinščyny.
Siamiejnaja para była ŭ haściach u adzinokaj 33-hadovaj adnaviaskoŭki. Vypivali. Žonka adyšła pa haspadarskich spravach, a kali viarnułasia, zaśpieła muža ŭ niedvuchsensoŭnaj situacyi z haspadyniaj chaty.
Žančyna žorstka źbiła abaich — i muža, i jaho «pasiju». Supiernicu žančyna biła pałkaj, pakul taja nie straciła prytomnaść. Zatym žančyna nakryła jaje humavaj pokryŭkaj i pajšła dadomu.
Muž sa złamanami rebrami trapiŭ u traŭmatałohiju.
A źbitaja žančyna cełuju noč pralažała na vulicy biez prytomnaści. Ranicaj jaje znajšli były sužyciel i brat dy vyklikali chutkuju. Maładuju žančynu dastavili ŭ reanimacyju. U jaje dyjahnastavali zakrytuju čerapna-mazhavuju traŭmu ciažkaj stupieni, udar hałaŭnoha mozhu, nutračarapnuju hiematomu, ahulnaje pieraachaładžeńnie arhanizma, termičny apiok hrudnoj kletki…
Lekary zmahalisia za jaje žyćcio, ale šancy byli nievialikija. Praz dva dni źbitaja žančyna pamierła ŭ balnicy.
Raŭnivica ŭziata pad vartu. Raspačata kryminalnaja sprava, žančynie pahražaje da 10 hadoŭ. Abciažarvaje vinu i fakt ałkaholnaha apjanieńnia ŭ momant ździajśnieńnia złačynstva.
«Źbirajučysia ŭ IČU, žančyna pryhatavała pakiet adzieńnia dla siabie i pakiet z rečami dla muža, u balnicu», - paviedamlajuć milicyjanty.
