Siaredni konkurs na dzionnuju biudžetnuju formu navučańnia ŭ BDU pieravysiŭ dva čałavieki na miesca, paviedamili ŭ pres-słužbie VNU.
Na dzionnyja biudžetnyja miescy abituryjenty padali bolš za 4,4 tys. zajaŭ (dla paraŭnańnia: ŭ 2016 hodzie ich było kala 3,6 tys.) Pry płanie pryjomu 2164 čałaviek. «Siaredni konkurs pieravysiŭ dva čałavieki na miesca», - udakładnili ŭ pres-słužbie.
Napiaredadni, 17 lipienia, zaviaršyŭsia pryjom dakumientaŭ na biudžetnuju formu navučańnia i śpiecyjalnaści płatnaj formy, pa jakich pravodziacca ŭnutranyja vyprabavańni. Padvodziačy pieršyja vyniki ŭstupnaj kampanii - 2017, u VNU źviarnuli ŭvahu, što 51,4% abituryjentaŭ majuć vysoki sumarny vynik - vyšej za 300 bałaŭ. Siarod tych, chto padaŭ dakumienty ŭ BDU 92 abituryjenty, jakija atrymali 100 bałaŭ na CT, u šaści čałaviek pa dva stobalnyja vyniki.
U pres-słužbie BDU raspaviali taksama pra konkurs na śpiecyjalnaści, pa jakich pravodziacca ŭnutranyja vyprabavańni. Samy vialiki na dyzajn (napramak - kamunikatyŭny) - 27,5 čałavieka na miesca. U lidarach taksama pravaznaŭstva (na skaročany formu) — 4,1 čałavieka na miesca, žurnalistyka i litaraturnaja praca — 2,4 čałavieka na miesca, ruskaja i słavianskaja fiłałohija - 1,9 čałavieka na miesca.
Na zavočnuju biudžetnuju formu navučańnia padali dakumienty 667 abituryjentaŭ (ŭ 2016 hodzie - 574) pry płanie pryjomu 255 čałaviek. Na śpiecyjalnaściach, pa jakich pravodziacca ŭnutranyja vyprabavańni, samy vysoki konkurs na miedycynskuju ekałohiju — 9 čałaviek na miesca, sacyjalnuju pracu - 8,3 čałavieka na miesca, mieniedžmient, finansy i kredyt - 5,9 čałavieka na miesca. Va ŭsich vypadkach havorka idzie ab skaročanym terminie navučańnia.
