Rasijski apazicyjanier Alaksiej Navalny na debatach ź lidaram ruchu «Novarośsii» Iharam Strałkovym-Hirkinym zadaść jamu pytańnie, chto źbiŭ małajzijski «Boinh» pad Danieckam.
«Vy tam byli, vy sapraŭdy viedajecie, chto jaho źbiŭ. Čamu vy try hady maŭčycie, słuchajecie chłuślivuju prapahandu ab ŭkrainskim źniščalniku, izrailskaj rakiecie, bombie CRU i niaśviežych trupach? Skažycie praŭdu prosta ciapier, na hetych debatach. Chto źbiŭ «Boinh»? — zadaŭ pytańnie Navalny ŭ roliku, apublikavanym pierad debatami.
Akramia vajny na ŭschodzie Ukrainy, dvuma inšymi temami debataŭ stanuć karupcyja i adnosiny Rasii z Zachadam.
Debaty Navalnaha i Strałkova projduć 20 lipienia. Jany pačnucca a 20:00. Pahladzieć ich možna budzie na kanale «Navalnyj Live» i na kanale prychilnikaŭ Strałkova «Roj TV». Navalny taksama paviedamiŭ, što tranślacyju źbirajucca zładzić Reuters i telekanał «Dožd́».
Viadučym debataŭ stanie Michaił Zyhar.
