Milicyja paviedamlaje: razhladajecca ŭsio bolš spraŭ, źviazanych z abrazami praz sms ci internet.
Adnym z kurjoznych vypadkaŭ było napisańnie zajavy śviakruchaj na svaju niaviestku, jakaja ŭ sms-pierapiscy z harački niecenzurna vykazałasia ŭ adras maci svajho muža. Žančynu, jakaja abraziła śviakruchu, pryciahnuli da adkaznaści.
Jak raspavioŭ namieśnik načalnika Centralnaha RUUS Minska pałkoŭnik milicyi Alaksandr Pracharenka, u apošni čas dosyć časta hramadzianie stali źviartacca z prośbaj pryciahnuć da adkaznaści asob, jakija raźmiaščajuć na staronkach paciarpiełych abraźlivyja słovy abo raspaŭsiudžvajuć u siecivie paklopnickija źviestki.
Tak, 35-hadovy minčanin byŭ pryciahnuty da administracyjnaj adkaznaści i zapłaciŭ štraf 230 rubloŭ za abraźlivyja słovy ŭ adras 20-hadovaj dziaŭčyny. Na asabistaj staroncy paciarpiełaj u sacyjalnaj sietcy jon pakinuŭ u jaje adras vykazvańnie ŭ niecenzurnaj formie. Dziaŭčyna źviarnułasia ŭ milicyju. U jakaści dokazu jana prykłała razdrukoŭku staronki ź pierapiskaj i abrazami. U chodzie pravierki vyśvietliłasia, što takim čynam mužčyna chacieŭ pryciahnuć da siabie ŭvahu simpatyčnaj damy.
