U minułym hodzie open-air LIDBEER-2016 staŭ najbujniejšym fiestyvalem krainy: u Lidu pryjechali bolš za 100 000 haściej z usioj Biełarusi i susiednich krain, a vystupy muzykaŭ hała-kancerta pabačyli i pačuli kala 60 000 hledačoŭ. Hetaj vosieńniu LIDBEER viartajecca ŭ novym farmacie i adbudziecca ŭ stalicy brovarstva — horadzie Lida — 9 vieraśnia. I jak užo stała dobraj tradycyjaj, fiestyval ździŭlaje hučnymi imionami: na hałoŭnaj scenie vystupiać najlepšyja sučasnyja hurty Biełarusi, Rasii i Ukrainy: «Pietla Pristrastija», «Krambambula», «Lumen» i «Okiean Jelzi»!
LIDBEER-2017: razmaŭlajem pa-biełarusku
U 2017 hodzie open-air LIDBEER zahučyć na biełaruskaj movie. Arhanizatar fiestyvalu AAT «Lidskaje piva» — adzin z najbujniejšych brovaraŭ krainy, jaki z 1876 hoda dziejničaje bieśpierapynna, ciešyć spažyŭcoŭ vysakajakasnymi i raznastajnymi hatunkami piva i biezałkaholnymi napojami. U 2016 hodzie kampanija «Lidskaje piva» ažyćciaviła rebrendynh fłahmanskaj liniejki piva LIDSKAJE® i pačała kamunikavać sa svaimi spažyŭcami na biełaruskaj movie. Fiestyval LIDBEER taksama padtrymaje hetuju inicyjatyvu: budzie vypuščana adpaviednaja atrybutyka, i kamunikacyja z haściami budzie vieścisia pa-biełarusku.
Interaktyŭny farmat
Hałoŭnaja asablivaść fiestyvalu — heta interaktyŭ. Kožny achvotny moža stać udzielnikam najbujniejšaha open-air krainy. Dla hetaha treba zapoŭnić zvarotnuju formu i adpravić zajaŭku na ŭdzieł u fiestyvali. Kali vy robicie pryhožyja vyraby, hatujecie smačnyja stravy, ź lohkaściu zavajoŭvajecie ŭvahu darosłych i dziaciej svaimi hulniami albo ličycie, što vaš hurt stanie viadomym na ŭvieś śviet — LIDBEER-2017 čakaje vas.
I dobraja navina dla muzykaŭ volnaj sceny: hurt, jaki nabiare najbolšuju kolkaść hałasoŭ, atrymaje zaprašeńnie adkryć hałoŭnuju scenu LIDBEER-2018!
Zajaŭki na ŭdzieł u fiestyvali prymajucca z 7 červienia pa 21 lipienia 2017 hoda. Hałasavańnie za ŭdzielnikaŭ placovak fudkorta, zabavaŭ i markietu budzie prachodzić z 22 lipienia pa 4 žniŭnia, a za muzykaŭ volnaj sceny z 22 lipienia pa 22 žniŭnia.
Fudkort i inšyja fiestyvalnyja zony
U hetym hodzie fudkort pavialičycca bolš čym u dva razy. Pracaŭnikoŭ na fudkorcie taksama budzie bolš. Takim čynam, chutkaść absłuhoŭvańnia pavialičycca. Vybar ježy budzie samy raznastajny: ad burhieraŭ i šašłykoŭ da damašnich straŭ. Jak i u minułym hodzie, piva možna budzie kupić jak u asobnych punktach fudkorta, tak i ŭ punktach ź ježaj.
Sanitarnaja zona taksama pavialičycca amal u try razy. Dla haściej fiestyvalu budzie pracavać vialiki kiempinh, u jakim kožny achvotny zmoža zastacca na načleh.
Arhanizatary rychtujuć jašče bolš zabaŭ: cikavy kvest pa Lidzie i fiestyvalnych aktyŭnaściach, dziciačaja placoŭka, łunapark, fotazony, kamandnyja kvizy, moŭnyja hulni i šmat inšaha. A taksama bieskaštoŭna hości fiestyvalu zmohuć naviedać najstarejšuju piŭnuju vytvorčaść u Biełarusi — zavod «Lidskaje piva». U samym kancy viečara ŭsich haściej čakaje vialiki fiejervierk, jaki adznačyć zaviaršeńnie vialikaha śviata pad nazvaj LIDBEER-2017!
Vialiki hała-kancert za 10 rubloŭ
U hetym hodzie zona hała-kancerta refarmujecca ŭ kamfortnuju placoŭku z asobnym fudkortam, prodažam piva, cikavymi zabavami i vialikaj sanitarnaj zonaj. Heta vyklikana tym, što arhanizatary fiestyvalu nadaduć jašče bolš uvahi biaśpiecy i kamfortu haściej padčas hała-kancerta, a taksama niaŭchilna buduć sačyć za jakaściu pasłuh inšych udzielnikaŭ fiestyvalu. LIDBEER-2017 imkniecca stać adnym z najlepšych open-air u Biełarusi i Jeŭropie, mienavita pa hetaj pryčynie ŭsim arhanizacyjnym momantam nadajecca vialikaje značeńnie.
Zakryvać fiestyval buduć hučnyja muzyki — «Pietla Pristrastija», «Krambambula», «Lumen», «Okiean Jelzi»! Kvitki na placoŭku hała-kancerta, na jakim hości mierapryjemstva pačujuć nievierahodnyja vystupy muzykaŭ, kaštujuć 10 rubloŭ. Nabyć ich biez kamisii možna na sajcie lidbeer.by.
«Pietla Pristrastija»
Za amal 15 hod isnavańnia hety hurt možna nazvać tvaram sučasnaj biełaruskaj rok-sceny. Jany nie bajacca ekśpierymientaŭ, hastralujuć pa ŭsiej Biełarusi, Rasii i Ukrainie. Apošni studyjny dysk «Moda i obłaka» ŭ 2016 hodzie byŭ nazvany najlepšym albomam hoda pa viersii biełaruskaj dziaviataj muzykalnaj premii partału Experty.by. «Pietla Pristrastija» taksama staŭ hurtom hoda muzykalnaj premii RockProfi — 2017.
«Krambambula»
Viartańnia hetaha biełaruskaha hurta ŭsia kraina čakała 9 hod. «Krambambula» była zasnavana ŭ 2002 hodzie jak sajd-prajekt Lavona Volskaha. U zapisach piesień, a taksama vystupach brali ŭdzieł Siarhiej Michałok, Alaksandr Kulinkovič i inšyja viadomyja muzyki. «Absent», «Hosci», «Turysty» i inšyja pieśni viedaje amal kožny biełarus. Na rachunku «Krambambuli» šeść studyjnych albomaŭ, apošni ź jakich vyjšaŭ u 2015 hodzie. Na pieršy solny kancert za 9 hod u Minsku kvitki raźlacielisia litaralna za niekalki dzion.
Lumen
U nastupnym hodzie hurt Lumen budzie śviatkavać 20-hodździe. Za svoj doŭhi muzyčny šlach kalektyŭ zapisaŭ 8 studyjnych albomaŭ, a ich vystupy pabačyli ŭ mnohich krainach śvietu. Lumen — žadany hurt na lubym fiestyvali. Viadomaść hurtu pryniesła pieśnia «Sid i Nensi», jakaja i siońnia zastajecca vizitnaj kartkaj kalektyvu.
«Okiean Jelzi»
Apahiejem fiestyvalu LIDBEER stanie vystup hurta «Okiean Jelzi». Miljony fanataŭ pa ŭsim śviecie adnahałosna zajaŭlajuć: «Okiean Jelzi» — najlepšy hurt sučasnaści! Kožny kancert Śviatasłava Vakarčuka i hurta — heta sapraŭdny pierformans, charyzma ŭ čystym vyhladzie, jakaja kožnaha zachaplaje i natchniaje. Lubimyja chity, šalonaja enierhietyka i jadnańnie ŭ adno cełaje — usio heta na LIDBEER-2017!
LIDBEER-2017 čakaje ciabie! Budzie hučna!
Uvachod na fiestyval biaspłatny.
Košt kvitkoŭ na placoŭku hała-kancerta pa papiarednim prodažy — 10 rubloŭ. Pierad mierapryjemstvam košt kvitkoŭ moža być pavialičany.
Nabyć kvitki možna na sajcie lidbeer.by, a taksama ŭ biletnaha apieratara ticketpro.by.
