U Hrodnie hareła kvatera ŭ šmatpaviarchoviku: mužčyna pieralivaŭ bienzin pobač z uklučanaj plitoj. Pra heta BiełTA paviedamili ŭ Hrodzienskim abłasnym upraŭleńni MNS.
Paviedamleńnie pra pažar u kvatery na čaćviortym paviersie adnaho z damoŭ pa vulicy Karbyšava ŭ Hrodnie pastupiła 24 lipienia kala 20 hadziny. Praz try chviliny ratavalniki byli na miescy.
U kvatery było ščylnaje zadymleńnie, hareła majomaść. «Haspadar kvatery znachodziŭsia ŭ adnym z pakojaŭ kala akna i samastojna vybracca nie moh. Ratavalniki padnialisia pa aŭtaleśvicy i vyvieli paciarpiełaha na vulicu», — raspaviali ŭ MNS.
Mužčyna z apiokami I—II stupieni (17% cieła) dastaŭleny ŭ reanimacyjnaje adździaleńnie balnicy. Stan ciažki.
Pavodle papiaredniaj infarmacyi, pryčynaj pažaru stała nieaściarožnaje abychodžańnie z ahniom. Mužčyna pieralivaŭ bienzin z kanistry ŭ płastykavyja butelki pobač z uklučanaj hazavaj plitoj.