Biudžet Sienata Polščy na suviazi z polskaj dyjasparaj i kłopat pra palakaŭ za miažoj vyraście ŭ nastupnym hodzie na 5 miljonaŭ złotych (kala miljona jeŭra). Kamisija Sienata pa suviaziach z palakami za miažoj ŭchvaliła biudžet vierchniaj pałaty polskaha parłamienta ŭ hetaj halinie, paviedamlaje Radyjo Polšča.
Kiraŭnik Kancylaryi Sienata, ministr Jakub Kavalski skazaŭ, što ŭ budučym hodzie suma, pryznačanaja na apieku nad palakami za miažoj, pavialičanaja amal na 7% i kožny hod budzie raści.
Staršynia Kamisii Sienata pa spravach emihracyi i suviaziach z palakami za miažoj Janina Sahatoŭskaja stanoŭča acaniła rost biudžetu na hetuju metu. Na jaje dumku, dadatkovyja 5 miljonaŭ złotych dapamohuć pradstaŭnikam polskaj dyjaspary, asabliva ŭ takich pryjarytetnych śfierach, jak adukacyja, kultura, ŚMI i padtrymka polskich arhanizacyj.
