Na Kryvinskim tarfianiku (Biešankovicki rajon Viciebskaj vobłaści) archieołahi znajšli łyžku, jakoj 4 tysiačy hadoŭ. Heta pieršaja łyžka poźniaha niealitu na terytoryi Biełarusi, što całkam zachavałasia.
Maksim Čarniaŭski z łyžkaj, jakoj 4 tysiačy hadoŭ.
Tarfianik źmiaščaje 10 archieałahičnych pomnikaŭ IV—II tysiačahodździa da našaj ery. Dziakujučy hetamu, archieołahi majuć mahčymaść rekanstrujavać tut žyćcio staražytnych biełarusaŭ na praciahu amal 3,5 tysiač hadoŭ.
Z 10 pa 30 lipienia na pomniku Asaviec-2 (niedaloka ad vioski Asaviec) prachodzić ekśpiedycyja, jakoj kiruje staršy navukovy supracoŭnik Instytuta historyi NAN Biełarusi Maksim Čarniaŭski. «Zroblenaja [łyžka] z kostki žyvioły, chutčej za ŭsio, z tazavaj častki. Kali pravieści padrabiazny analiz, mahčyma, budzie znojdziena napaŭnieńnie ŭ porach, jakoje dazvolić daviedacca, što mienavita hetaj łyžkaj jeli», — raspavioŭ BiełTA archieołah.
Uładalnik łyžki trymaŭ jaje pravaj rukoj.
Inšyja znachodki ekśpiedycyi — amulety, padvieski z zuboŭ i ikłaŭ žyvioł, kaścianyja i burštynavyja pacierki, kramianiovyja i kaścianyja nakaniečniki streł, šyła, rybałoŭny kručok i mnostva kieramičnych sasudaŭ, navat hlečyk!