Ispanski spartyŭny funkcyjanier Anchiel Maryja Viljar zajaviŭ, što sychodzić u adstaŭku z pasady vice-prezidenta Sajuza jeŭrapiejskich futbolnych asacyjacyj (UEFA). Adbyłosia heta z-za abvinavačvańniaŭ u karupcyi i aryštu.
Anchiel Maryja Viljar. Fota: EPA/BALLESTEROS
Pra heta paviedamlaje TASS sa spasyłkaj na pres-słužbu UEFA. Palicyjanty 18 lipienia, praviali pieratrus u ofisie Karaleŭskaj ispanskaj futbolnaj fiederacyi. Anchiel Maryja Viljar źjaŭlajecca prezidentam hetaj struktury. U chodzie apieracyi byli zatrymanyja nie mienš za 10 čałaviek, u tym liku Anchiel Maryja Viljar, jaho syn, a taksama vice-prezident fiederacyi pa pytańniach ekanomiki Chuan Pardon. Zatrymanych padazrajuć u kradziažy 45 młn jeŭra. Paźniej padazravanyja byli źmieščanyja pad vartu biez prava vychadu pad zakład na čas rasśledavańnia. Anchiel Maryja Viljar vyłučaŭsia na pasadu prezidenta UEFA letaś, ale zatym źniaŭ svaju kandydaturu.
