Jeŭrakamisija pačała realizacyju prahramy dapamohi mihrantam, raźmieščanym u hrečaskich łahierach. Na vydzielenyja 209 miljonaŭ jeŭra miarkujecca arandavać dastatkovuju kolkaść kvater i damoŭ, kab pierasialić tudy da kanca hoda da 30 tysiač čałaviek i tym samym razhruzić pierapoŭnienyja paśla zakryćcia «bałkanskaha maršrutu» łahiery, paviedamlaje DW.
«Siońnia ŭ žyćci hrečaskich biežancaŭ pačynajecca novaja hłava», - zajaviŭ u čaćvier kamisar ES pa pytańniach humanitarnaj dapamohi i kiravańnia ŭ kryzisnych situacyjach Chrystas Ścilianidzies.
Pavodle danych Jeŭrakamisii, budzie arendavana kala 22 tysiač kvater na macierykovaj častcy Hrecyi i jašče kala 2 tysiač kvater na astravach. Akramia taho, biežancam razdaduć śpiecyjalnyja kartki, z dapamohaj jakich jany zmohuć kuplać sabie pradmiety pieršaj nieabchodnaści abo miedykamienty. Na dadzieny momant u pierapoŭnienych łahierach u Hrecyi žyvie kala 62 tysiač uciekačoŭ, pieravažna ź Siryi, Afhanistana i Iraka.