Sienat Kanhresa ZŠA ŭchvaliŭ ŭ čaćvier zakonaprajekt, jaki praduhledžvaje ŭzmacnieńnie žorstkaści sankcyj u dačynieńni da Rasii, Irana i KNDR. Za pryniaćcie zakonaprajekta było padadziena 98 hałasoŭ. Suprać — adzin.
U aŭtorak za hety ž zakonaprajekt prahałasavała bolšaść (419 suprać 3) čalcoŭ Pałaty pradstaŭnikoŭ. Ciapier dakumient, jaki atrymaŭ nazvu «Zakon ab supraćdziejańni praciŭnikam Amieryki pasrodkam sankcyj», laža na stoł Donalda Trampa. Bieły dom u apošnija dni sihnalizavaŭ ab tym, što prezident ZŠA padtrymlivaje ŭzmacnieńnie žorstkaści abmiežavalnych mier suprać zhadanych troch dziaržaŭ, adnak prymie rašeńnie paśla taho, jak aznajomicca z kančatkovym varyjantam zakonaprajekta.
0
0
0
0
0
0
