Fota: Jianya Li, Adam D. Celiz, David J. Mooney
Ideju dla stvareńnia novaha, bolš daskanałaha kleju daśledčyki zapazyčyli ŭ smaŭžoŭ Arion subfuscus, achoŭnaja śliź jakich dobra prylipaje da vilhotnych pavierchniaŭ. Hałoŭnuju rolu ŭ hetym, na dumku navukoŭcaŭ, hrajuć pieršasnyja aminy, što źmiaščajucca ŭ ślizi. Heta vytvornyja amijaku, jakija zdolnyja ŭtvarać vadarodnyja suviazi z vadoj.
Klej, raspracavany navukoŭcami, składajecca z dvuch słajoŭ — klejučaj pavierchni i matrycy z hidrahielu. Klejučaja pavierchnia źmiaščaje złučnyja palimiery z tymi samymi pieršasnymi aminami, jakija złučajuć klej z padkładkaj (navat vilhotnaj).
Matryca ž raźmiarkoŭvaje enierhiju pry źniešniaj nahruzcy na złučeńnie. U vyniku klej lohka raściahvajecca i prystasoŭvajecca da ruchaŭ žyvych tkanin. Vyprabavańni na tkaninach piečani pakazali, što klejkaje rečyva raściahnułasia u 14 razoŭ pierš čym razarvacca.
Łatka na sercy śvińni. Fota: Jianya Li, Adam D. Celiz, David J. Mooney
