Kala padjezda doma na praśpiekcie Dziaržynskaha ŭ Minsku było znojdziena cieła mužčyny. Im akazaŭsia hienieralny dyrektar «Kinavideaprakata», deputat Minharsavieta Juryj Čačukievič, kolišni lidar minskaha adździaleńnia BRSM.
Zahinułamu było 35 hadoŭ. Čačukievič nie žanaty, dziaciej niama.
Čačukievič byŭ u ciomnych štanach i lohkaj kašuli. Vidavočcy, znajomyja ź im, kažuć, što na pracu jon tak nie apranaŭsia. Dy i paznavata było dla pracy — 9:42.
Pa słovach vidavočcaŭ, akramia telefona i klučoŭ pry im ničoha nie było — ni dakumientaŭ, ni kašalka.
Niekatoryja śćviardžajuć, što bačyli na miescy dvuch siłavikoŭ z hienieralskimi pahonami. Na dadzieny momant na paviersie i ŭ kvatery zahinułaha pracujuć śledčyja, paviedamlaje karespandent «Našaj Nivy».
Niekalki hadzin, pakul cieła lažała kala padjezda i pravodzilisia śledčyja dziejańni, maci niabožčyka kala padjezda hałasiła pa synu.