Pa słovach čynoŭnikaŭ i niekatorych baćkoŭ, tolki ŭ šerahach junych lenincaŭ dzieci zdolnyja navučycca dabru, pracavitaści i žyćciu ŭ kalektyvie.
«Praź pijanieraŭ pryvivajucca navyki, jakija dapamahajuć być sapraŭdnym patryjotam svajoj krainy», — raspaviadaje namieśnik kiraŭnika administracyi prezidenta Maksim Ryžankoŭ.
Adnak daloka nie ŭsim pa dušy hvałtoŭny patryjatyzm. Zaličvajuć u dziciačyja arhanizacyi pa raznaradcy i adrazu cełymi śpisami. Nastaŭnikaŭ, jakija sprabujuć piarečyć hetaj praktycy i admaŭlajucca cisnuć na dziaciej, zvyčajna vyhaniajuć z šerahaŭ piedahohaŭ. A sami dzieci namiakajuć, što ŭ vypadku admovy pad pahrozaj moža apynucca ich univiersiteckaja budučynia.
Nastaŭnica, jakaja pažadała zastacca nienazvanaj, raskazała, što ŭ škoły prychodziać listy, dzie napisana, što nie mienš za pałovu vučniaŭ musiać uvajści ŭ arhanizacyju.
«Uładzimira Iljiča Lenina zabyvać nielha, bo jon vielmi šmat zrabiŭ dla pijanieryi», — kaža školnica z Žytkavičaŭ Palina Sacharava.
Repartaž padrychtavany VVS u miežach prajektu «Revalucyja-100», jaki pryśviečany ŭhodkam Kastryčnickaj revalucyi ŭ Rasii.
