Fota: gazeta.ru
U probach lodu, uziatych na hłybini, blizkaj da pavierchni voziera, vyjaŭlenyja ślady hienietyčnaha materyjału bakteryj, jakija časta supravadžajuć marskich maluskaŭ, rakapadobnych i navat ryb.
U navukovaj supolnaści da ciapierašniaha času ličycca ahulnapryznanym, što pad toŭščaj antarktyčnych lednikoŭ znachodzicca hustaja sietka rek.
Pa hetaj pryčynie vyjaŭlenyja arhanizmy abo ich ślady mahli być pryniesienyja ŭ voziera, raźmieščanaje na 200 m nižej za ŭzrovień mora, z akijanu.
Rasijskija navukoŭcy, adnak, staviać pad sumnieŭ adkryćcio amierykancaŭ. U intervju internet-vydańniu «Hazieta.ru» Siarhiej Bułat, kiraŭnik łabaratoryi malekularnaje i radyjacyjnaje bijafiziki ź Pieciarburhskaha instytuta jadziernaje fiziki (PIJAF) zajaviŭ «sa stoadsotkavaj upeŭnienaściu», što dadzienyja, atrymanyja amierykancami, źjaŭlajucca vynikam «kantaminacyi».
«My ličym, pryčyna ŭ tym, što ŭ ich brudnaja łabaratoryja, jakija nie adpaviadaje standartam čyścini», — zajaviŭ Siarhiej Bułat.
Amierykanskija navukoŭcy, adnak, admaŭlajuć padazreńni ŭ tym, što ŭmovy ŭ łabaratoryi byli niedastatkova sterylnymi.
Voziera Uschod — najbujniejšaje z prykładna 375 padlednikovych vadajomaŭ, vyjaŭlenych daśledčykami Antarktyki na siońniašni dzień.
Aziory-«pryvidy» nie zamiarzajuć da dna dziakujučy enierhii, jakaja zychodzić ad donnych hornych parod, a taksama cisku płastoŭ lodu źvierchu, jaki źnižaje tempieraturu zamiarzańnia vady.
Padlednikovyja aziory vyklikajuć asablivuju cikavaść u astrabijołahaŭ, pakolki ŭmovy ŭ ich mohuć być padobnymi da umovaŭ u vadajomach, jakija mohuć isnavać pad ledzianym pokryvam spadarožnikaŭ niekatorych z płaniet Soniečnaje sistemy.