U vaśmi rajonach stalicy vyjavili iksodavych klaščoŭ, paviedamili ahienctvu «Minsk-Naviny» ŭ sanitarna-epidemijałahičnaj słužbie horada.
«Śpiecyjalisty praciahvajuć abśledavać parki, skviery, dziciačyja letnija azdaraŭlenčyja ŭstanovy, pryharadnyja zony masavaha adpačynku nasielnictva», — udakładnili sanepidemijołahi.
Zhodna z kartaj, raźmieščanaj na sajcie sanitarna-epidemijałahičnaj słužby, klaščoŭ znajšli ŭ lesaparkavaj zonie adpačynku Drazdy, u lesie ŭ Dražni, u lesapałosach na vulicach Kalinoŭskaha, Kapijeviča, Cikockaha, Fohiela, u Ślapianskim i Ściapianskim lasnych masivach.
Dla prafiłaktyki ŭkusaŭ pry vychadzie na lubuju terytoryju, dzie mohuć sustrakacca klaščy, metazhodna apranucca takim čynam, kab praduchilić ich zapaŭzańnie pad vopratku i zabiaśpiečyć chutki ahlad. Rekamiendujuć vybirać śvietłyja adnatonnyja rečy, a taksama vykarystoŭvać srodki dla adpužvańnia klaščoŭ. Pa viartańni z prahułki nieabchodna ŭvažliva ahledzieć vopratku i skurnyja pakrovy, chatnich hadavancaŭ i ŭsio, što vy pryvieźli ź lesu, u pryvatnaści bukiety ź lasnych i palavych kvietak.
