Kvadratny mietr soniečnaha dachu abyjdziecca pakupniku ŭ 220 dalaraŭ. Tak, sa zvyčajnym šyfieram nie paraŭnać, ale z čarapicaj vysokaj jakaści — całkam. Iłan Mask patłumačyŭ nievysoki košt prosta: vytvorcy zvyčajnych materyjałaŭ dla dachaŭ, jak praviła, nie aptymizujuć vytvorčaść i dastaŭku svajoj pradukcyi, što ŭ kančatkovym vyniku adbivajecca i na canie vyrabaŭ. Paneli dla dachaŭ ad Tesla važać amal udvaja mienš, a heta značyć, što i vydatki na transparciroŭku soniečnaj čarapicy buduć mienš. Ich ustanoŭka pa hetaj ža pryčynie budzie prachodzić chutčej i praściej.
Zdabytuju elektryčnaść jašče treba niedzie zachoŭvać. Tamu ŭsim pakupnikam dachaŭ naležyć nabyć i batareju Powerwall 2.0 =- jaje možna intehravać u chatniuju elektrasietku i ekanomić da 100% elektryčnaści. Košt batarei — 6500 dalaraŭ.
