Pažyłaja para znachodziłasia ŭ lesie ŭ Haradockim rajonie amal 5 sutak. Šukać ich pačali tolki na treci dzień. U vyniku mužčyna pamior, žančynu vyratavali. Padrabiaznaści trahiedyi TUT.BY paviedamiła aficyjny pradstaŭnik UUS Viciebskaha abłvykankama Volha Škuratava.
Muž i žonka, žychary vioski Kančanie, syšli ŭ hryby ŭviečary 28 lipienia. Ich dačka nie mahła im datelefanavacca niekalki dzion, na trecija sutki — dniom 31 lipienia — jana źviarnułasia ŭ milicyju. Raspaviała, što 28 lipienia maci pryjazdžała ŭ hości da syna ŭ Haradok.
69-hadovych starych šukali i milicyja, i ratavalniki, i viaskoŭcy. Žančynu znajšoŭ ranicaj 2 žniŭnia adzin ź miascovych žycharoŭ. Jana była vielmi stomlenaja. Raspaviała, što jany z mužam zabłukali. Sychodziačy z chaty, telefony z saboj nie ŭziali. Pavodle jaje słoŭ, muž pamior napiaredadni, 1 žniŭnia. Ale miesca, dzie znachodzicca cieła, piensijanierka paznačyć nie zmahła.
Ciapier cieła mužčyny šukajuć z dapamohaj techniki MNS. Žančynu špitalizavali.
