3 žniŭnia ŭ staličnaj kvatery na vulicy Łandera haspadary zaŭvažyli źmiaju na plicie. Na miesca vyjazdžali ratavalniki, paviedamlaje pres-słužba MNS.
«Haspadynia z dačkoj ranicaj pryjšli na kuchniu paśniedać. U rajonie plity jany pačuli dziŭnaje šypieńnie i zaŭvažyli končyk źmiainaha chvasta. Nie na žart spałochaŭšysia, jany vyklikali ratavalnikaŭ», — kaža aficyjny pradstaŭnik MNS pa Minsku Volha Mielčanka.
Kali ratavalniki pryjechali na vyklik i pačali ahladać kuchniu, jany vyjavili źmiaju ŭ adnoj z fajerak plity. Z dapamohaj śpiecyjalnaj pryłady jaje vyciahnuli.
Heta była hadziuka — adziny ź vidaŭ atrutnych źmiej, jakija žyvuć u Biełarusi. Jaje pryjšłosia likvidavać.
Jak hadziuka apynułasia na trecim paviersie ŭ staličnaj kvatery — nieviadoma.
