abff.by
U Domie futboła 7 žniŭnia adbyłosia čarhovaje pasiadžeńnie dyscyplinarnaha kamiteta, paviedamlaje sajt Biełaruskaj fiederacyi futboła.
Siarod inšaha byŭ raźledžany list FK «Isłač», ź jakoha vynikaje, što padčas praviadzieńnia 11 maja matča čempijanata krainy pa futbole ŭ vyšejšaj lizie pamiž FK «Haradzieja» — «Dniapro» (Mahiloŭ), znachodziačysia ŭ stanie ałkaholnaha apjanieńnia, rabotnik Haradziejskaha cukrovaha kambinata Andrej Arkadźjevič Hančar, prystaviŭšy da vucha zaŭziatara sirenu, zrabiŭ ahłušalny sihnał u dačynieńni da dyrektara FK «Isłač» Siarhieja Mielnikava, što prysutničaŭ na hulni, i tym samym nanios jamu baratraŭmu.
Andreju Hančaru zabaroniena naviedvańnie stadyjonaŭ pry praviadzieńni matčaŭ pad ehidaj Asacyjacyi «Biełaruskaja fiederacyja futboła» terminam na čatyry miesiacy — z 7 žniŭnia da 6 śniežnia, faktyčna da kanca futbolnaha siezona.
Kantrol za vykanańniem dadzienaha rašeńnia ŭskładzieny na FK «Haradzieja» i dyrekcyju biełaruskich stadyjonaŭ, adznačajecca ŭ paviedamleńni.
