Kančatkovaje rašeńnie pa pakiecie dakumientaŭ, nakiravanych na stymulavańnie dziełavoj inicyjatyvy ŭ Biełarusi, pavinna być vyrazna vyvieranym i ŭ poŭnaj miery adpaviadać intaresam krainy. Pra heta zajaviŭ siońnia Alaksandr Łukašenka, zasłuchoŭvajučy dakład pa pytańniach vykanańnia daručeńniaŭ ab stymulavańni dziełavoj inicyjatyvy.
«Kančatkovaje rašeńnie pa hetych dakumientach pavinna być dakładna vyvieranym i ŭ poŭnaj miery adpaviadać intaresam našaj krainy. Nieabchodna być absalutna ŭpeŭnienymi ŭ pravilnaści zadavanaha viektara pravavoha rehulavańnia śfiery pradprymalnictva», - skazaŭ Alaksandr Łukašenka.
Kiraŭnik krainy padkreśliŭ, što dziaržava nie pavinna i nie stracić kantrol u ekanomicy. «Ludzi nam potym hetaha nie darujuć. Kali niešta zdarycca, pytacca z nas, z ułady, i mienš — ź biźniesu», - skazaŭ biełaruski lidar.
U studzieni kiraŭnikom dziaržavy była stvorana rabočaja hrupa pa ŭdaskanaleńni kantrolnaj dziejnaści i likvidacyi zališnich patrabavańniaŭ da subjektaŭ haspadarańnia. U lutym adbyłasia narada, na jakoj byli vyznačany asnoŭnyja kanceptualnyja napramki jaje dziejnaści. Pa vynikach praviedzienaj raboty padrychtavany pakiet dakumientaŭ, metaj jakich źjaŭlajecca pavyšeńnie dziełavoj aktyŭnaści ŭ Biełarusi.
