Surjoznuju niebiaśpieku dla zdaroŭja navakolnych, źviazanuju z tradycyjaj zadzimać śviečki na śviatočnym torcie, vyjavili daśledčyki z ZŠA.
Vyniki daśledavańnia byli apublikavanyja ŭ žnivieńskim vypusku anłajnavaha vydańnia Journal of Food Research.
Navukoŭcy vyrabili mulažy dvuch tartoŭ ź pienapłastu, pakryli ich folhaj i ŭstalavali adnolkavuju kolkaść śviečak na pieršym i druhim «torcie». Zatym u chodzie ekśpierymientu adzin z aŭtaraŭ daśledavańnia patušyŭ zapalenyja śviečki na pieršym torcie. Paśla hetaha navukoŭcy daśledavali pavierchniu hetych niesapraŭdnych kandytarskich vyrabaŭ na kolkaść bakteryj.
Akazałasia, što na folzie, jakaja imitavała hłazuru pieršaha torta, paśla zadźmuvańnia śviečak mikrobaŭ (u tym liku chvarobatvornych) akazałasia na 1400% bolš u paraŭnańni z kantrolnym vyrabam. A zapavolenaja makravideazdymka dazvoliła vyjavić, što ŭ chodzie zadźmuvańnia śviečak z rota daśledčyka «vylecieła» bolš za 2 000 kropiel roznaha pamieru, jakija mohuć być vydatnym reziervuaram dla bakteryj i virusaŭ.
Siarod realna vyjaŭlenych na folzie mikrobaŭ, jakija źjavilisia tam paśla zadźmuvańnia śviečak, byli takija: niekalki štamaŭ kišačnaj pałački, stafiłakoki, hiemafilnaja pałačka, karyniebakteryi, niejsieryi.
