KNDR paŭtaryła pahrozu zapuścić rakiety siaredniaj dalokaści pa rajonie Cichaha akijana, u jakim raźmieščana amierykanskaja vajskovaja baza na vostravie Huam.
Vajskoŭcy KNDR, jak havorycca ŭ zajavie, apublikavanym Centralnym telehrafnym ahienctvam Karei (CTAK), raspracoŭvajuć u jakaści «papiaredžańnia» ZŠA płan pusku čatyroch balistyčnych rakiet siaredniaj dalokaści «Chvason-12», jakija pavinny pralacieć nad terytoryjaj japonskich prefiektur Simanie, Chirasima, Koci, pieraadoleć adlehłaść u 3 tys. 356 km za 1 065 siekund (18 chvilin) i ŭpaści za 30-40 km ad amierykanskaj bazy na Huamie.
Płan ŭdaru pavinien być hatovy ŭ siaredzinie žniŭnia, paśla čaho budzie pradstaŭleny Kim Čen Ynu, jaki prymie kančatkovaje rašeńnie.
Słoŭnaja vajna pamiž ZŠA i KNDR ŭspychnuła z novaj siłaj u aŭtorak z padačy Trampa, što niečakana paabiacaŭ abrynuć na paŭnočnakarejcaŭ «ahoń i lutaść» ZŠA, kali dziejańni Pchieńjana buduć pahražać Amierycy.
Pahroza Trampa prahučała na fonie paviedamleńniaŭ ab tym, što KNDR zrabiła jadziernuju bojehałoŭku, jakuju možna stavić na najaŭnyja ŭ Paŭnočnaj Karei rakiety.