Servis atrymaŭ nazvu Watch, i pradastaŭlajecca ŭ vyhladzie videaŭkładki ŭ mabilnych, nastolnych i televizijnych dadatkach Facebook, u jakich raźmiaščajucca kanały (jakija tut nazyvajucca «šou») z žyvym ci zapisanym epizadyčna kantentam, jaki sabrany ŭ asobnyja temy.
Facebook pakul adkryŭ płatformu tolki dla abmiežavanaha koła stvaralnikaŭ kantentu. Servis testujecca niekalkimi karystalnikami ŭ ZŠA i budzie pastupova raspaŭsiudžvacca pa ŭsim śviecie. Facebook sam finansuje niekatoryja šou i zaprašaje niezaležnych aŭtaraŭ zarehistravacca na płatformie samastojna. Jany atrymajuć ułasnuju staronku dla kantentu (padobnuju da staronak dla brendaŭ), na jakoj prychilniki mohuć sačyć za imi i znachodzić novyja roliki.
Dla hledačoŭ u Facebook stvorany śpis pieravah, jaki dazvalaje sačyć za źjaŭleńniami novych videa. Taksama jość takija raździeły, jak «Samaje papularnaje», «Što prymušaje ludziej śmiajacca» (hledačy mohuć reahavać na videa z dapamohaj knopki «Śmiešna»), i «Jakija videa hladziać siabry».
Jość mahčymaść kamientavać i reahavać na videa padčas prahladu, a taksama bačyć kamientary ad inšych taksama ŭ režymie realnaha času.
Možna skazać, što Facebook źbirajecca paciaśnić YouTube, u jakoha ŭžo jość prahramy dla padtrymki aŭtaraŭ kantentu i manietyzacyi videa z dapamohaj rekłamy. Sacyjalnaja sietka taksama płanuje ŭkaranić rekłamnyja paŭzy ŭ klipach, kab u kančatkovym vyniku atrymać prybytak ad Watch, i z karystalnickaj bazaj dva miljardy čałaviek pa ŭsim śviecie heta moža stać surjoznaj kankurencyjaj płatformie Google.
Akramia taho, Facebook źbirajecca samastojna vyrablać šou dla hledačoŭ va ŭzroście 17-30 hadoŭ z šmatmiljonnymi biudžetami, i novy servis zdajecca idealnaj płatformaj dla takoha rodu pradpryjemstvaŭ.
Narešcie, videa Facebook mohuć tranślavacca na Chromecast i Apple TV, što robić jaho jašče bolš univiersalnym dla telehledačoŭ.
