Aficyjny pradstaŭnik Śledčaha kamiteta Julija Hančarova na svajoj staroncy ŭ fejsbuku paviedamiła, što kiraŭniku Biełaruskaha prafsajuza rabotnikaŭ radyjoelektronnaj pramysłovaści (REP) Hienadziu Fiadyniču pradjaŭlena abvinavačańnie pa č.2 art. 243 (Uchileńnie ad vypłaty padatkaŭ) KK.
«U dačynieńni da jaho ŭžytaja miera strymańnia ŭ vyhladzie padpiski ab niavyjeździe i naležnych pavodzinach. Rasśledavańnie spravy praciahvajecca. U jakaści abvinavačanych pryciahnuta dźvie asoby - kiraŭnik i hałoŭny buchhałtar», — napisała Hančarova.
Taksama pa hetaj spravie prachodzić buchhałtar REP Ihar Komlik. Jon ciapier znachodzicca pad vartaj.
2 žniŭnia siłaviki praviali pieratrusy ŭ ofisie REP, a taksama na kvatery Hienadzia Fiadyniča. Kiraŭnik prafsajuzaŭ byŭ zatrymany, ale paśla dopytu adpuščany ŭ statusie padazravanaha. Pa słovach Fiadyniča, havorka idzie pra niaspłatu padatkaŭ u pamiery 22 tysiač rubloŭ (deminavanych) za 2011 hod.